The Société internationale pour l’étude du latin vulgaire et tardif has been created and established by the Comité international pour l’étude du latin vulgaire et tardif in order to guarantee and enhance the exchange of information and documents on Vulgar and Late Latin to all the scholars who are interested in the activities and research of the Society.

Brevis descriptio, quomodo ea nata sit, quae est Société pour l’étude du latin vulgaire et tardif

Cum Joseph Herman et Robertus Coleman anno 1985 Bononiam convenissent, ut Colloquio interessent, quod fuit de Lingua Latina, una simul quadam in caupona cenarunt et cogitarunt etiam de Latino vulgari et tardiore colloquia haberi posse. Quod consilium Joseph, qui haud parum sua in re publica posset, quinque tantum interpositis mensibus bonum ad exitum duxit. Nam Pecsium in urbem nos convocavit, quamquam non plus duodetriginta fuimus, et Colloquia de vulgari quoque Latino sermone et tardiore agi coepta sunt. Quod ego quoque cum maximis horum studiorum cultoribus convocatus sum, puto me vere fortunatum fuisse. Adfuerunt enim una cum Josepho Herman Stephanus Borzsák, Robertus Coleman, Eugenius Coseriu, Paulus A. Gaeng, Maria Iliescu, Sandor Kiss, Viviana Law, Beng Löfstedt, Jacobus Malkiel, Witold Mańkzak, Ernestus Pulgram, Veikko Väänänen, Dieter Wanner, Jacobus Wüest.
Dein tertio quoque anno decem sunt continuata colloquia, undecim si Ovetanum addas, et orationes habitae ita semper sunt editæ ut duodecim confecta sint volumina (tribus sunt orationes collectæ, quæ Bergomi habitæ sunt). Decem sunt igitur adhuc acta colloquia, undecim Ovetanum si addideris. Quibus equidem interesse numquam omisi, cum satis superque putarem, felicem fortunatumque me fuisse, qui cum tam doctis viris occasionem essem colloquendi et disputandi nactus. Horum haud pauci insequentibus annis supremum obierunt diem neque eos sine aliqua memoro mæstitia, Herman ipsum, Coleman, Väänänen, Coseriu, Malkiel, Löfstedt.
Sed ne tristi et infausto omine hanc paginulam claudam, multos adulescentes memorabo his prope triginta annis additos esse, plus centenas mulieres et viros doctos unicuique adfuisse colloquio, nostris studiis quasi novum sanguinem additum esse, ut colloquia secundo quoque anno habeantur, non tertio, constitutum esse. Nobis igitur sperare conceditur huic tamquam studiorum arbori novas virides frondes numquam esse defuturas. Gualtiero Calboli

​​The 17th International Colloquium on Late and Vulgar Latin (Latin vulgaire – latin tardif XVII) will be held at the Facultad de Filosofía y Letras of Universidad Autónoma de Madrid (Spain) from Monday, September 11th to Friday, September 15, 2028. It will be organized by the Departamento de Filología Clásica.

Conference website: